ရိုဟင်ဂျာအရေး တာဝန်ရှောင်မည် မဟုတ်ဟု ဒေါ်အောင် ဆန်းစုကြည်ပြော

 

Unicode

Image may contain: one or more people and closeup

ဧရာဝတီ

4 November 2019

ဘန်ကောက်တွင် နိုဝင်ဘာ ၃ ရက်နေ့က ကျင်းပသော အာဆီယံနှင့် အိန္ဒိယ ထိပ်သီး ဆွေးနွေးပွဲ၌ တွေ့ရသော ဒေါ်အောင်ဆန်းစုကြည် / Reuters

မြန်မာအစိုးရသည် ၎င်း၏ တာဝန်ဝတ္တရားများကို လွဲရှောင်မည် မဟုတ်ကြောင်းနှင့် လက်တွေ့ကျပြီး မျှတ သည့်နည်းလမ်းဖြင့် ထိုပြဿနာကို ချဉ်းကပ်သည့် မိတ်ဆွေများနှင့်အတူ လုပ်ကိုင်သွား မည်ဖြစ် ကြောင်း နိုင်ငံတော်အတိုင်ပင်ခံ ဒေါ်အောင်ဆန်းစုကြည်က ကုလသမဂ္ဂ အတွင်းရေးမှူးချုပ်၏ ရိုဟင်ဂျာနှင့် ပတ် သက်သည့်မှတ်ချက်ကို တုံ့ပြန်သည့်အနေဖြင့် ပြောသည်။

နိုဝင်ဘာလ ၃ ရက်နေ့က ဘန်ကောက်တွင် ကျင်းပသည့် ၁၀ ကြိမ်မြောက် ASEAN-UN ထိပ်သီးဆွေးနွေးပွဲ ဖွင့်ပွဲတွင် ကုလသမဂ္ဂ အတွင်းရေးမှူးချုပ် အန်တိုနီယို ဂူတာရက်က လက်ရှိအချိန်တွင် ဘင်္ဂလားဒေ့ရှ်တွင် နေထိုင်နေသော ဒုက္ခသည်များ ဘေးကင်းလုံခြုံ ဆန္ဒအလျောက် သိက္ခာရှိစွာ ပြန်လည်ပို့ဆောင်ရေး လို အပ် သော အခြေအနေများ ဖန်တီးရန် မြန်မာနိုင်ငံတွင် တာဝန်ရှိကြောင်းပြောခဲ့သည်။

“မြန်မာအစိုးရဟာ အစိုးရက ကာကွယ်ပေးရမယ့်သူတွေအားလုံးရဲ့ လုံခြုံရေးနဲ့အခွင့်အရေးတွေကို စောင့် ရှောက် ဖို့ တာဝန်ကို ရှောင်ရှားမှာ မဟုတ်ဘူး” ဟု ဒေါ်အောင်ဆန်းစုကြည်က ထိုအခမ်းအနားတွင်ပင် ပရိ သတ်များကိုပြောသည်။

ရခိုင်ပြည်နယ်ပြဿနာသည် လွန်စွာရှုပ်ထွေးသည့် ပြဿနာဖြစ်ကြောင်း၊ ကုလသမဂ္ဂနှင့် ၎င်း၏ အေဂျင်စီ များသည် ထိုဒေသသို့ရောက်ရှိနေသည့်ကာလမှာ အမျိုးသားဒီမိုကရေစီအဖွဲ့ချုပ်တာဝန်ယူသည်ကာလ ထက်ဆယ်ဆပိုမိုကြာနေပြီဖြစ်သောကြောင့် ထို့ကြောင့် အခြေအနေ၏ ရှုပ်ထွေးမှုကို တစုံတရာနားလည် ရ မည်ဖြစ်ကြောင်း ဒေါ်အောင်ဆန်စုကြည်က ဂူတာရက်၏ မှတ်ချက်ကို တုံ့ပြန်ပြောကြားသည်။

ဘင်္ဂလားဒေ့ရှ်နိုင်ငံနှင့်ချုပ်ဆိုထားသော နှစ်ဖက်သဘောတူညီမှု၊ ကုလသမဂ္ဂ၏ ဒုက္ခသည်အေဂျင်စီနှင့် ဖွံ့ဖြိုးတိုးတက်ရေးအေဂျင်စီများဖြစ်သော UNHCR နှင့် UNDP တို့နှင့်ချုပ်ဆိုထားသော သုံးဖက် သဘောတူ စာချုပ်များနှင့်အညီ အတည်ပြုနိုင်သော ပြန်လာသူများကို လက်ခံရန် မြန်မာနိုင်ငံက အပြည့်အဝဆုံးဖြတ် ထားကြောင်း ဒေါ်အောင်ဆန်းစုကြည်ကပြောပြီး ထိုပြဿနာတွင်ကူညီသောကြောင့် အရှေ့တောင် အာရှ နိုင်ငံများအသင်း ASEAN၊ ASEAN အတွင်းရေးမှူးချုပ်ရုံး၊ ASEAN သဘာဝဘေးအန္တရာယ် စီမံခန့်ခွဲမှု ဆိုင် ရာ လူသားချင်းစာနာမှုအကူအညီညှိနှိုင်းရေးဌာနတို့အားကျေးဇူးတင်ကြောင်း ပြောသည်။

ထိုနောက်မြန်မာနိုင်ငံသည် လက်တွေ့ကျပြီး မျှတသည်နည်းလမ်းဖြင့် ရခိုင်ပြည်နယ်မှုပြဿနာများကို ချဉ်း ကပ်သည့်မိတ်ဆွေများနှင့်အတူ လုပ်ကိုင်သွားရန် မြန်မာနိုင်ငံ၏ ရည်ရွယ်ချက်ကိုလည်း ထပ်မံအတည်ပြုေ ပြောကြားသည်။

၂၀၁၇ ခုနှစ် သြဂုတ်လက အာရကန်ရိုဟင်ဂျာကယ်တင်ရေးတပ်ဖွဲ့(ARSA) ကလုံခြုံရေးတပ်စခန်းများ ကိုတိုက်ခိုက်ပြီးနောက် ပြုလုပ်သော မြန်မာတပ်မတော်၏ နယ်မြေရှင်းလင်းမှုစစ်ဆင်ရေးများကြောင့် ရခိုင် ပြည်နယ်မြောက်ပိုင်းမှ လူ ရ၃၀၀၀ ခန့် ဘင်္ဂလားဒေ့ရှ်သို့ ထွက်ပြေးသည်။ ARSA ကိုအစိုးရက အကြမ်း ဖက်အဖွဲ့အစည်းအဖြစ် ကြေညာထားသည်။ ကုလသမဂ္ဂက ထိုအကျပ်အတည်းသည် လူမျိုးစုသုတ်သင် မှုအတွက် ဖတ်စာအုပ်ပါ ဥပမာဖြစ်သည်ဟုပြောပြီး နိုင်ငံတကာလေ့လာသူများက လူမျိုးတုံးသတ်ဖြတ်မှု အဖြစ် ဖေါ်ပြသည်။ မြန်မာနိုင်ငံက ထိုအသုံးအနှုန်း ၂ ခုလုံးကို ပယ်ချသည်။

မြန်မာနှင့် ဘင်္ဂလားဒေ့ရှ်နိုင်ငံများသည် ဒုက္ခသည်ပြန်လည်ပို့ဆောင်ရေး သဘောတူစာချုပ်ကို ၂၀၁၇ ခုနှစ် နိုဝင်ဘာလက လက်မှတ်ရေးထိုးခဲ့သော်လည်း အကောင်အထည်ဖေါ်မှု အကြိမ်ကြိမ်ပျက်ကွက်နေပြီး ထိုနှောင့်နှေးမှုအတွက် တဖက်နှင့်တဖက် အပြစ်တင်နေကြသည်။

လွန်ခဲ့သောအပတ်ကပြန်လာသည့် ၄၆ ဦးအပါအဝင် ယခုအချိန်အထိ နှစ်နိုင်ငံသဘောတူစာချုပ်အရ မ ဟုတ်ဘဲ ဆန္ဒအလျှောက်ပြန်လာသူ ၃၉၇ ဦးသာရှိသေးသည်။ ထိုဒုက္ခသည်များ နယ်စပ်မှ ခြေလျှင်ဖြစ်စေ၊ လှေဖြင့်ဖြစ်စေ ပြန်လာကြသည်ဟု မောင်တောခရိုင် အထွေထွေအုပ်ချုပ်ရေး ဦးစီးဌာန၏ အဆိုအရ သိရ သည်။

You May Also Like These Stories:
လင့္၊https://burma.irrawaddy.com/news/2019/11/04/207673.html
https://www.rohingyanewsbank.com/2019/11/blog-post_38.html…