၂၀ မေ၊ ၂၀၂၄
အီရန်သမ္မတနဲ့ အခြားအဆင့်အမြင့်အရာရှိတွေ လိုက်ပါလာတဲ့ရဟတ်ယာဥ်ပျက်ကျသွားတဲ့ နိုင်ငံ့အနောက်မြောက်ပိုင်းမှာ တနင်္ဂနွေနေ့ညထိ ရှာဖွေရေးဆက်လုပ်နေကြတယ်လို့ အီရန်တာဝန်ရှိသူတွေက ပြောပါတယ်။ သမ္မတ Ebrahim Raisi ရဲ့ ကံကြမ္မာကိုတော့ ခုထိရေရေရာရာမသိရသေးပါဘူး။
တနင်္ဂနွေနေ့အစောပိုင်းက အီရန်နိုင်ငံထဲက East Azerbaijan ပြည်နယ်ထဲမှာ ရာသီဥတုဆိုးရွားနေတာကြောင့် ရဟတ်ယာဥ်ပျက်ကျသွားခဲ့တာလို့ အီရန်အစိုးရ သတင်းမီဒီယာကပြောပါတယ်။ ရဟတ်ယာဥ်ပေါ်မှာ သမ္မတ Raisi၊ နိုင်ငံခြားရေးဝန်ကြီး Hossein Amir-Abdollahian နဲ့ အခြားအရာရှိ ၂ ဦးတို့လိုက်ပါသွားခဲ့ကြတယ်လို့လည်း ပြောပါတယ်။
နှစ်နိုင်ငံနယ်စပ်က ရေကာတာစီမံကိန်းဖွင့်ပွဲအတွက် အဇာဘိုင်ဂျန်သမ္မတ Ilham Aliyev နဲ့ သွားရောက်တွေ့ဆုံအပြီး အပြန်နှစ်နိုင်ငံနယ်စပ်အနီးမှာ ရဟတ်ယာဥ်ပျက်ကျသွားခဲ့တာပါ။ သမ္မတ Raisi ရေကာတာဖွင့်ပွဲအတွက် နယ်စပ်ကို သွားမယ်လို့ အီရန်အစိုးရသတင်းဌာနက စနေနေ့မှာကြေညာပါတယ်။
ရဟတ်ယာဥ်ပျက်ကျတယ်ဆိုတဲ့သတင်းအတွက် အလွန်ပူပန်မိကြောင်း အဇာဘိုင်ဂျန်သမ္မတ Aliyev က X လူမှုကွန်ယက်မှာရေးပါတယ်။ မိတ်ဖက်ညီအကိုတိုင်းပြည်အတွက် သူ့ဘက်က ဆုတောင်းပေးနေသလို လိုအပ်တဲ့အကူအညီတွေပေးအပ်ဖို့လည်း ကမ်းလှမ်းပါတယ်။ ရဟတ်ယာဥ်ပျက်ကျခဲ့တဲ့နေရာမှာ မြူတွေကျနေတဲ့အတွက် မြင်ကွင်းတွေမရှင်းလင်းတာကြောင့် ရှာဖွေကယ်ဆယ်ရေးသမားတွေ ခြေလျင်သွားနေရတယ်လို့လည်း အီရန်သတင်းကဖော်ပြပါတယ်။
https://burmese.voanews.com/a/iran-helicopter--iran-helicopter-crashed-landing-/7618419.html
No comments:
Post a Comment
Note: Only a member of this blog may post a comment.