မစ်ရှီဂန်မှာ မဲရေတွက်နေစဥ် ထရမ့်ကို အားပေး ထောက်ခံသူတွေ မှန်တွေကို ရိုက်ပုတ် ဆန္ဒပြနေကြ
ဒီမိုကရက် သမ္မတလောင်း ဂျိုးဘိုင်ဒန်ဟာ ရွေးကောက်ပွဲ အောင်နိုင်ဖို့ လမ်းကြောင်းပေါ် ရောက်နေပြီ ဆိုပေမယ့် သမ္မတ ထရမ့်က ပြည်နယ် ၄ခုမှာ မဲပြန်စစ်ပေးဖို့ ဥပဒေကြောင်းအရ စိန်ခေါ်မှုတွေ လုပ်ထားပါတယ်။
ဆိုတော့ ဘာတွေ ထပ်ဖြစ်လာမလဲ။
အခုချိန်မှာ နောက်ဆုံး မဲရလဒ်ကို သိရသင့်ပြီမဟုတ်လား
ဒီမေးခွန်းက ဟုတ်တယ် ဒါပေမယ့် မဟုတ်ဘူး လို့ ပြောနိုင်ပါတယ်။ ပုံမှန်အားဖြင့် ဆိုရင်တော့ သမ္မတလောင်း တစ်ယောက်က အပြတ်အသတ် အသာရနေပြီဆိုရင် အမေရိကန် သတင်းဌာန တွေက ဒီလူ နိုင်သွားပြီလို့ ကြေညာလေ့ရှိပါတယ်။
ဒါမျိုးက မဲပေးပြီးနောက်တစ်ရက် မနက်ပိုင်းမှာ ဖြစ်လေ့ ဖြစ်ထရှိပါတယ်။
ဒါပေမယ့် ဒါက တရားဝင် ထုတ်ပြန်တဲ့ ရလဒ်တွေမဟုတ်ပါဘူး။ ဒါက ခန့်မှန်းခြေပဲ ရှိပြီး တရားဝင် ထုတ်ပြန်တဲ့ ရလဒ်တွေက ရက်အတန်ကြာမှ ထွက်ပေါ်လာပါတယ်။
ဒီနှစ်မှာတော့ များပြားတဲ့ စာတိုက်မဲတွေကို ရေတွက်ရမှာ ဖြစ်တာကြောင့် ရေတွက်မှုက ရက်အတန်ကြာနိုင်ပါတယ်။ အထူးသဖြင့် မဲပြောင်းလွယ်ပြီး အရေးကြီးတဲ့ ပြည်နယ်တွေမှာ ရွေးကောက်ပွဲ မတိုင်ခင်မှာ မဲကြိုရေတာကို ခွင့်ပြုထားခြင်း မရှိလို့ပါပဲ။
မဲအများအပြားကို ရေတွက်ပြီးပေမဲ့ နောက်ထပ်မဲတွေ အများကြီး ကျန်နေပါသေးတယ်
ဒါကြောင့် စာတိုက်မဲတွေကို ရေတွက်ရာမှာ အစစ်အမှန်ဖြစ်ကြောင်း အတည်ပြုချက် လိုအပ်တာ ကြောင့် လူကိုယ်တိုင်လာပေးတဲ့ မဲတွေကို ရေတွက်ရတာထက်ကို ပိုကြာ နိုင်ပါတယ်။
အကြိတ်အနယ် ဖြစ်လေလေ၊ သမ္မတလောင်း နှစ်ဦးစလုံးက သူတို့ ရှုံးပါပြီလို့ ဝန်ခံခြင်း မရှိလေလေ မဲတွေကို သေသေချာချာ ရေတွက်ရလေပါပဲလို့ ရွေးကောက်ပွဲ လေ့လာသူ မက်သရူး ဝဲလ် က ဆိုပါတယ်။
No comments:
Post a Comment
Note: Only a member of this blog may post a comment.